Абай облысы

Абай облысы – тарих пен руханият мекені

Өңір әсем табиғатымен, махаббат пен мәңгілік туралы аңыздарға толы тарихи және мәдени ескерткіштерімен танымал. Бұл — Ұлы Абайдың туған жері. Оның даналыққа толы «Қара сөздері» дәл осы қасиетті топырақта жарық көріп, күллі қазақ руханиятының шамшырағына айналды.

Абай облысын аралауды облыс орталығы – Семей қаласынан бастаған жөн. Мұнда көптеген тарихи-мәдени ғимараттар мен мұражайлар орналасқан. Қаладан шыққан соң, кең дала бойымен Алакөлге қарай жол тартуға болады. Бұл аймақтағы екі облыс — Абай және Алматы өңірлеріне қарасты ашық алаңқайлар, қара тасты жағажайлар мен емдік қасиеті бар су көздері отбасылық демалысқа таптырмас орын.

Абай облысының көрікті жерлері:

• Ұлы Абайдың әдеби-мемориалдық мұражайы мен Жидебайдағы мұражай-үйі
• Ф.М. Достоевскийдің әдеби-мемориалдық мұражайы – Семейде орналасқан, әлемге әйгілі жазушының бір кездері тұрған үйі
• Невзоровтар отбасы атындағы бейнелеу өнері мұражайы
• Қозы Көрпеш – Баян Сұлу кесенесі – махаббат символына айналған тарихи нысан
• «Еңлік-Кебек» кесенесі – қос ғашықтың мәңгілік махаббатын дәріптейтін ескерткіш-обелиск

Климат ерекшелігі

Абай облысында еліміздің басқа өңірлеріндегідей континенттік климат қалыптасқан. Түн мен күннің, көктем мен күздің температура айырмашылығы айтарлықтай. Кейде жаңбыр немесе қар түріндегі күтпеген жауын-шашын болуы мүмкін. Сондай-ақ, бұл аймақ күшті желдерімен белгілі.

Дегенмен, сапарға алдын ала дұрыс дайындалсаңыз, жылдың қай мезгілі болмасын Абай облысындағы саяхаттан ерекше әсер алып, ұмытылмас сәттерге куә боласыз!