Қазақстандағы 10 тылсым мекен

Қазақстандағы 10 тылсым орын

Қазақстанда тылсымға толы, құпия сырларды бүгіп жатқан бірнеше ерекше мекен бар. Олардың кейбірі көне аңыздармен, әулиелердің өмірімен, тіпті белгісіз ұшатын нысандармен (НЛО) байланыстырылады. Ежелгі шіркеулер, құдықтар, таулы шатқалдар мен қалалық саябақтар – бәрі де түрлі құпияларға толы.

Шайтанкөл көлі

Қарағанды облысындағы Қарқаралы қаласының маңында орналасқан Шайтанкөл көлі – жұмбақтарға толы табиғи нысан. Көлді жан-жағынан гранит тастар мен қарағай орманы қоршап тұр. Аңыздарға сенсек, бұл көлге жануарлар да, құстар да жақындамайды екен. Адамдар да бұл жерде шомылмайды, мал суаруға да жарамсыз.Тұрғындар бұл көлде су перілері не шайтан (ислам мифологиясындағы жын секілді зұлым рух) кездеседі деп сенеді. Көлдің пайда болу тарихына қатысты түрлі пікірлер бар, олардың ішіндегі ең ерекше нұсқасы – бұл көлді бақытсыз адамдардың көз жасы толтырған деген аңыз.Қалай болғанда да, бұл мекенді бір көру – жүз естігеннен артық. Табиғаты ерекше бұл өңір сізді бейжай қалдырмайды, ал оның тылсым құпиясы ішкі жан дүниеңізді баурап алады.

Әнші бархан құмы

Әнші бархан құмы – Алматыдан 180 шақырым жерде, Алтын-Емел ұлттық табиғи паркінде орналасқан. Бұл құм төбенің ерекше "ән айту" қабілеті – желмен үйкелісу нәтижесінде құмның электрленіп, белгілі бір дыбыстық жиілік шығаруымен түсіндіріледі.Кейде ол әдемі әуезді әнге, ал кейде құлаққа үрейлі ұлыған дауысқа ұқсайды. Бұл дыбысты бірнеше шақырым қашықтықтан естуге болады. Аңыз бойынша, бұл бархан жасаған зұлымдықтары үшін Алла Тағала тас пен құмға айналдырған шайтан екен. Сол себепті ол ұйықтай алмай, адамдарды қорқытуға тырысады-мыс.Қалай десек те, Әнші бархан – көруге тұрарлық табиғаттың таңғажайып әрі ерекше құбылысы

Өлі көл

Талдықорған өңірінің тұрғындары бұл көлден қатты қорқады және оны шынымен де "өлі көл" деп атайды. Суықтығы сонша, жазда да мұздай, ал көлде ешқандай тіршілік иесі – балық та, балдыр да кездеспейді.Тағы бір жұмбақ құбылыс – сүңгуірлер бұл көлдің түбінде бес минуттан артық тұра алмайды. Көлге батып кеткен адамдардың денесі де жиі табылмай жоғалып кетеді. Ғалымдар бұл құбылыстарға нақты түсінік бере алмай отыр.Соған қарамастан, көлдің тылсым сұлулығы мен жұмбақ табиғаты саяхатшыларды өзіне тарта береді.

Укаша ата құдығы

Түркістан қаласындағы ортағасырлық Қожа Ахмет Ясауи кесенесінің маңында ерекше қасиетке ие Укаша ата құдығы орналасқан. Аңыздарға сүйенсек, бұл құдықтан тек жүрегі таза, ниеті адал адам ғана су ала алады. Егер су шығарып алсаңыз, онда сізді жоғарғы күштер қолдайды деп сенеді.Құдық атымен аталған Укаша ата – Пайғамбар Мұхаммедтің (с.ғ.с.) серіктерінің бірі болған. Оны өлтіруге көп жауы ұмтылған, бірақ ол ұстатпаған, мызғымас батыр болған. Алайда, әйелі күйеуінің әлсіз тұсын досына айтып қойған екен. Уқаша ата намаз оқып жатқанда, Аллаға беріліп, айналасынан ештеңе сезбейтін. Дәл сол сәтті пайдаланып, оны тұтқиылдан ұстап, жаулары қатігездікпен өлтіреді. Аңыз бойынша, дәл сол жерде қасиетті бұлақ пайда болған.

Үңгіртас

Қазақстандағы тағы бір тылсым мекен – Үңгіртас, Алматыдан 85 шақырым жерде орналасқан. Психиктер мен эзотериктер бұл жерді «Жер кіндігі» деп атайды. Себебі бұл аймақ энергетикалық аномалия ретінде танымал, ол адамның денсаулығын жақсартып, ой-санасын тазартып, тілектерін орындауға көмектеседі деп сенеді.

Эзотерикалық сенім бойынша, бұл нүктеден ғарышқа тікелей энергия ағыны тарайды – жер мен аспан арасындағы байланыс дәл осы тұстан өтеді делінеді. Ғалымдар мен зерттеушілер де бұл жерде әдеттен тыс энергетикалық толқындарды тіркеген. Қалай болғанда да, Үңгіртасқа келушілер рухани күш жинау үшін келеді. Тылсымға сенетін жандар бұл орынға үлкен үміт пен сеніммен табан тірейді.

Алтай «Шамбала»

Шығыс Қазақстандағы Риддер қаласына жақын орналасқан Чаша шатқалы – еліміздің тағы бір құпияға толы мекені. Аңыз бойынша, дәл осы жерде аңызға айналған Шамбала патшалығы орналасқан.

Шамбала белгісі – лотос ішіндегі көзі бәрін көретін көз. Чаша шатқалының жер бедерінде дәл осындай лотос бейнесі бар, оны әуеден ғана көруге болады. Бұл да таңғаларлық жайт. Сонымен қатар, бұл аймақта үлкен кратер бар – ғалымдар бұл жерге алып метеорит құлаған деп болжайды.

Арал теңізінің түбіндегі белгілер

Кепкен Арал теңізі — бүкіл адамзатқа жасалған экологиялық қиянаттың аянды белгісі. Алайда, тартылған теңіз түбі көптеген таңғаларлық құбылыстарды ашып берді. Әсіресе, әуеден қарағанда, теңіз түбінде түрлі белгісіз бейнелер мен таңбалар байқалады. Бұл таңбалардың сырын ғалымдар әлі күнге дейін аша алмай келеді.

Кейбір зерттеушілер бұл таңбаларды бұрынғы белгісіз өркениеттер немесе тіпті бөгдеғаламдықтар салуы мүмкін деп болжайды. Ал шытырман оқиғаларды ұнататындар үшін, Аралдың құрғап қалған түбі, айналасындағы шөл және тот басқан қалқып тұрған кемелер – нағыз басқа ғаламшарлық көріністей әсер қалдырады.

Үстірттегі белгісіз ұшатын нысандар (НЛО)

Арал мен Каспий теңізінің арасындағы шөлейтті Үстірт жазығы өзгеше ландшафтымен, тылсым табиғатымен ерекшеленеді. Жергілікті халық бұл маңда белгісіз ұшатын нысандарды (НЛО) жиі байқайтынын айтып жүр.

Алматыдағы Көктөбе үстінен де осындай нысандар байқалған. Кейбір уфологтар бұл құбылысты таулы және шөлді аймақтардағы жер сілкініс белдеулерінен тарайтын энергиямен байланыстырады. Дегенмен, Үстірт – ерекше аймақ. Кей ғалымдар бұл жазық ежелгі Тетис мұхитының табаны деп есептейді.

Жазықта алып тастар, үңгірлер мен қуыстар өте көп. Ал кей үңгірлерде белгісіз шыққан пиктограммалар (тасқа салынған таңбалар) табылған. Сондай-ақ, жүздеген шақырымға созылатын, тек әуеден ғана көрінетін, мағынасы жұмбақ сызбалар бар. Бұл белгілер Перу еліндегі атақты Наска шөліндегі археологиялық феноменнен асып түсетіндей. Бірақ бұл сызықтар не үшін салынған? – оны ешкім дөп басып айта алмайды.

Түбі жоқ көл – Қолқол

Жамбыл облысында орналасқан Қолқол көлі — тылсыммен көмкерілген мекен. Көлдің суы әрқашан таза әрі ерекше "тірі" қасиетке ие. Ең таңғаларлығы — бұл көлге ешбір өзен құймайды, бірақ суы ешқашан тартылмайды.

Аңыздарға сенсек, көлдің түбі жоқ, ал кей заманауи зерттеушілер мұнда Лох-Несс құбыжығына ұқсайтын, ежелгі дәуірден бері өмір сүріп келе жатқан беймәлім тіршілік иесі бар дейді. Тіпті кейбір адамдар оны көрдік деп куәлік берген.