Алматы облысы

Алматы облысы қарама-қайшылықтардың керемет үйлесуімен және жүз шақырым сайын ауысып отыратын керемет пейзаждарымен таңғалдырады: таңертең 2510 метр биіктіктегі Үлкен Алматы көлінде болып, түстен кейін шөл далада, Айғай құмның бөктерінде тұруыңыз әбден мүмкін!

Сізді таңғалдыратын 11 жер

Алматы облысының көрікті жерлері:

• Аса көркем көлдер: суға батқан «қорғаушылары» бар Қайыңды және бірі бірінен жоғары орналасқан Көлсай көлдері.
• Шарын шатқалындағы «Қамалдар мекені». Дәл осы жерде мұз дәуірінен бері өсіп келе жатқан Шаған тоғайын да көруге болады.
• Алматы қаласының ең танымал көрікті орнына айналған Үлкен Алматы көлі.
• Айғай құм. Аздап соққан жел барқан шыңынан құмдарды түсіріп, төбені орган дыбысына ұқсас дыбыстармен гуілдетеді.
• Көркем жасыл шатқалда жасырынған 120-метрлік Бұрхан-Бұлақ сарқырамасы.
• Түрген сарқырамалары. Оларға апарар жол алабалық шаруашылығы, түйеқұс фермасы, ашық аспан астындағы этнобақ арқылы өтеді.
• Ақбұлақ, Ойқарағай, Табаған биік таулы курорттары.
• Асы үстірті. Өзінің табиғи және астроклиматтық жағдайларының арқасында, үстірт – әлемдегі ең қуатты телескопы бар обсерватория құрылысына арналған үздік орын.
• Тамғалы тас мекені. Мұнда жартасқа салынған, керемет анық сақталған көне суреттерді көруге болады.
• Көптеген тері ауруларына, орталық жүйке жүйесіне, қимыл-тірек аппаратына ем болатын ерекше емдік суы бар ащы-тұзды Тұзкөл.
• Шалкөде жайлауы – нағыз көшпенділер аймағы. Мұнда жаз бойы киіз үйлер қаптап тұрады, бұл жерде нағыз даланың айқын көрінісін, көшпенділер тұрмысын көріп, сезінуге болады.

Алматы облысында ауа-райы жылдың әр кезінде қуантады: көктемнен бастап, күздің ортасына дейін температура деңгейінің +20 градустан төмен түсуі сирек; қыстыгүні де жылы болады - қаңтардың орташа температурасы -5 градус.