"Нұр-Астана" мешіті - ислам сәулеті үлгісіндегі бірегей құрылыс. "Нұр-Астанаға" бір қарағаннан-ақ өзіңізді әдемі шығыс ертегісінің кейіпкеріне айналғандай сезінесіз. 

Құрылыс көлемі де көз көргенді таңқалдырмай қоймайды. Мешіттің өлшемдері де белгілі бір мән-мағынаға ие: 40 метрлік күмбезі - Мұхаммед пайғамбарға алғаш рет періште түскендегі жасын; 63 метрлік мұнарасы - оның бұл өмірден өткендегі  жасын білдіреді. Мешітте Сауд Арабиясы үкіметінің баспасынан шыққан Құран және Қағбаның жамылғысы - Қисуаның кесіндісі сақтаулы. 

"Нұр-Астана" мешіті жас елордамыздың келбетімен керемет үйлесіп, сән-салтанатымен Нұр-Сұлтан қаласына ажар сыйлап тұр.